Batys Qazaqstanda 60-qa jýyq baladan koronavırýs anyqtaldy
ORAL. QazAqparat - Batys Qazaqstan oblysynda qańtar aıynda 58 baladan koronavırýs anyqtaldy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, qyrkúıek aıynan beri óńirde 263 bala indet juqtyrǵan.
Sonyń ishinde qyrkúıekte - 4, qazanda - 5, qarashada - 102, jeltoqsanda 78 bala aýyrdy. Qarasha men jeltoqsanda 16 balabaqsha tárbıelenýshisi syrqattandy. Balalardyń bári de indetti otbasy múshelerinen juqtyrdy.
Oblysta osy kezge deıin 10 030 adam dertke shaldyqsa, sonyń 8 661-i jazylyp shyqty. 183 adam ómirden ozdy.
Qazirgi tańda juqpaly aýrýlar statsıonarlarynda 299 adam emdelip jatyr. 28 adam jansaqtaý bóliminde.
Eske sala keteıik, BQO-nyń bes aýdanynda karantın kúsheıtildi .
