Batys Qazaqstanda 6 myńǵa jýyq adam Pfizer vaktsınasyn saldyrdy
BQO densaýlyq saqtaý basqarmasy málim etkenindeı, soladyń 204-i – júkti, 2584-i – sábı emizetin áıelder, 3147-si – jasóspirimder.
Osy kezge deıin koronavırýsqa qarsy 257 378 adam birinshi komponentti qabyldady. Bul – oblys boıynsha egilýge tıisti turǵyndardyń 62,1 paıyzy. Sondaı-aq 244 340-y (58,9 paıyzy) ekinshisin de aldy.
Sondaı-aq 20 901 adamm revaktsınatsııadan ótti.
Qazirgi ýaqytta óńirde vaktsına qory jetkilikti, 78 021 doza birinshi, 111 960 doza ekinshi komponent bar.
Basqarmadan túsken málimetke qaraǵanda, sońǵy kúnderi indettiń órshı túskeni baıqalady. Tek bir táýlikte 79 adamnan koronavırýs anyqtaldy. Keshe 57 naýqas jazylyp shyqty.
Pandemııa bastalǵannan beri tirkelgen 40 328 naýqastyń 26 022-si – aýrý belgisi bar adamdar.
Jyl basynan beri 258 adam syrqattansa, sonyń 12-si balalar.
Kúni búgin 8 ınfektsııalyq statsıonarda 55 naýqas emdelip jatsa, sonyń altaýy aýyr halde.
Eske sala keteıik, budan buryn Batys Qazaqstanda sońǵy aptada koronavırýs juqtyrǵandar sany 74 paıyzǵa óskenin, 21 myńǵa jýyq adamnyń revaktsınatsııadan ótkenin jazǵan bolatynbyz.