Batys Qazaqstanda 560-qa jýyq adam ınfektsııalyq aýrýhanada jatyr
ORAL. QazAqparat – Batys Qazaqstan oblysynda 800 tósektik 10 ınfektsııalyq statsıonarda 558 adam jatyr, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, statsıonarlar 69,7 paıyzǵa tolǵan.
Sonyń ishinde Oral qalasyndaǵy 595 tósektik aýrýhanalarda 436 adam (73,2 paıyz), aýdandarda 205 tósektik statsıonarda 122 adam (59,5 paıyz) emdelýde.
Sondaı-aq 67 tósektik jansaqtaý bólimshesinde 29 adam (43,2 paıyz) jatyr.
Qazirgi kezde oblysta 1762 tósek-oryn (997-si ınfektsııalyq, 765-i karantındik statsıonarda) rezerv retinde ázirlendi.
Turaqtandyrý qoryn tolyqtyrý úshin dári-dármek alýǵa 422 mln teńge bólinse, sonyń 217 mln teńgesi boıynsha kelisimshart jasaldy.
Óńirde COVID-19 dıagnostıkasy boıynsha 13 zerthana jumys jasaıdy. Tek sońǵy táýlikte 4091 zertteý júrgizildi.
Basqarma málimetine qaraǵanda, jyl basynan beri 536 bala koronavırýs juqtyrsa, sonyń 455-i jazylyp shyqty. 81-i em alýdy jalǵastyrýda.
Bıyl bilim berý salasynyń 242 qyzmetkerinen indet tabylsa, sonyń 175-i saýyqty. 67-si emdelýde.
«Oblysta 170 monıtorıngtik top jumys jasaýda. Bıyl karantın talabyn buzǵandarǵa qatysty 8,1 mln astam teńgege 133 hattama toltyryldy. Sońǵy aptada (4-10 sáýir) 1 mln astam teńgege 23 hattama jasaldy», dep habarlady basqarmanyń baspasóz qyzmeti.
Eske sala keteıik, budan buryn BQO-da sońǵy tórt kúnde koronavırýs juqtyrǵandar sany 500-ge jýyqtaǵanyn, 14 myńnan astam adamnyń ekpe saldyrǵanyn jazǵan bolatynbyz.
