Batys Qazaqstanda 54 myńǵa jýyq adam revaktsınatsııadan ótti
BQO densaýlyq saqtaý basqarmasy málim etkenindeı, osy kezge deıin 269 462 adam (egilýge jatatyn turǵyndardyń 65 paıyzy) vaktsınanyń birinshi, 254 242-si (61,4 paıyzy) ekinshi komponentin saldyrdy.
Kúni búgin óńirde 70 833 doza І, 118 233 doza ІІ komponent, 173 doza «Spýtnık Light» vaktsınasy bar.
Oblys boıynsha 9 584 adam Pfizer kompanııasynyń vaktsınasymen egilse, sonyń 346-sy – júkti, 4 249-y – bala emizetin áıelder, 4 989-y – jasóspirimder.
Basqarmadan túsken málimetke qaraǵanda, pandemııa bastalǵannan beri 49 271, sonyń ishinde bıyl 9 201 adam koronavırýs juqtyrdy.
Qazirgi kezde 751 tósektik 14 ınfektsııalyq statsıonarda 241 naýqas emdelip jatsa, sonyń 16-sy jansaqtaý bólimshelerinde. 15 adam aýyr, bireýi asa aýyr halde. Invazıvti jasandy tynys alý apparatyna 4, ınvazıvti emes osyndaı qurylǵyǵa 10, ottegi kontsentratoryna 2 naýqas qosylǵan.
Jyl basynan beri 29 naýqas koronavırýstan kóz jumdy.
Eske sala keteıik, budan buryn BQO-da 270 myńǵa jýyq adamnyń koronavırýsqa qarsy ekpe saldyrǵanyn jazǵan bolatynbyz.