Batys Qazaqstanda 52 myńnan astam adam koronavırýsqa qarsy ekpe saldyrdy
BQO densaýlyq saqtaý basqarmasy basshysynyń mindetin atqarýshy Arman Qalıbekov óńirlik kommýnıkatsııalar qyzmeti alańynda ótken brıfıngide málim etkendeı, oǵan qosa 19982 adam vaktsınanyń ІІ komponentin qabyldady.
Osy kezge deıin óńirge 102200 doza (68300-i – І, 33900-i – ІІ komponent) jetkizildi.
Sonyń ishinde 25 sáýir kúni 2 myń doza (1 myńy – І, jartysy – ІІ komponent) qazaqstandyq vaktsına tústi. Qazirgi kezde 880 turǵyn otandyq vaktsınamen egildi.
Oǵan qosa 5 mamyrda Birikken Arab Ámirlikterinde óndirilgen 17500 doza (8750-i – І, 8750-i – ІІ komponent) Hayat Vax arab vaktsınasy ákelindi.
Arman Talǵatulynyń sózine qaraǵanda, oblysta osy kezge deıin 19960 adam indet juqtyrsa, sonyń 78 paıyzy nemese 15554-i jazylyp shyqty. Munyń 7144-i statsıonarda, 8410-y ambýlatorlyq em aldy.
Barlyǵy 291 adam koronavırýstan kóz jumdy.
Bıyl 121 naýqas, sonyń ishinde qańtarda – 28, aqpanda – 15, naýryzda – 30, sáýirde – 42, mamyrda 6 adam ómirden ozdy. Sonyń 64-i – áıelder, 57-si – er adamdar.
Qaıtqandardyń 119-ynda (98 paıyzy) sozylmaly dertteri bolǵan.
Sonyń ishinde 75 paıyzy júrek-qan tamyrlary aýrýlary, 13 paıyzy qant dıabeti, 12 paıyzy basqa dertke shaldyqqan.
«Qazirgi tańda 195 tósektik 4 karantındik statsıonarda 11 naýqas jatyr. Al 1123 tósektik 18 ınfektsııalyq statsıonarda 561 adam emdelýde. 65 tósektik jansaqtaý bólimshelerinde 36 naýqas bolsa, sonyń ekeýi – 50-ge deıingiler, jeteýi – 50-60, 20-sy – 60-80 jas aralyǵyndaǵylar, jeteýi – seksennen asqandar. 32 naýqastyń 26-sy júrek-qan tamyrlary aýrýlary, altaýy qant dıabetimen aýyrady», dedi A.Qalıbekov.
Eske sala keteıik, budan buryn Batys Qazaqstanda blokpostarda 380-nen astam karantın talabyn buzýshylyq anyqtalǵanyn jazǵan bolatynbyz.