Batys Qazaqstanda 50 myńǵa jýyq turǵyn revaktsınatsııadan ótti

ORAL. QazAqparat – Batys Qazaqstan oblysynda 49 741 turǵyn revaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasy málim etkendeı, oblys boıynsha barlyǵy 65 351 adam qaıta ektirýden ótedi.

Kúni búginge deıin 268 433 adam (egilýge jatatyn turǵyndardyń 64,8 paıyzy) vaktsınanyń birinshi, 251 985-i (60,8 paıyzy) ekinshi komponentin saldyrdy.

Qazirgi kezde 75 668 doza І, 121 115 doza ІІ komponent, 527 doza «Spýtnık Lite» vaktsınasy bar.

Sondaı-aq 9 293 adam Pfizer vaktsınasyn qabyldasa, sonyń 330-y – júkti, 4 150-i – bala emizetin áıelder, 4 813-i – jasóspirimder.

Basqarmadan túsken málimetke qaraǵanda, pandemııa bastalǵannan beri 48 884, sonyń ishinde bıyl 8 814 adam koronavırýs juqtyrdy.

Óńirde 751 tósektik 14 ınfektsııalyq statsıonarda emdelip jatqan 312 naýqastyń 19-y jansaqtaý bóliminde. Sonyń ishinde 15-i aýyr, tórteýi asa aýyr halde.

Jyl basynan beri 24 naýqas koronavırýstan kóz jumdy.

Eske sala keteıik, budan buryn Batys Qazaqstanda 20 naýqastyń koronavırýstan kóz jumǵanyn jazǵan bolatynbyz.