Batys Qazaqstanda 50-den astam turǵyn úı sýda qalyp qoıdy

ORAL. QazAqparat - Batys Qazaqstan oblysy Bórli aýdanynda 54 úı sýda qalyp otyr, dep habarlaıdy QazAqparat tilshisi.

BQO TJ departamentiniń jedel shtabynan málim etkenindeı, sonyń 10-yna sońǵy táýlikte sý kirgen.

Atap aıtqanda, Aqbulaq aýylynda 14, Qyzyltalda 16, Keńtúbekte 15 úı sýǵa ketken.

Sondaı-aq Oral qalasynda sońǵy táýlikte «ıAgodka» saıajaı qoǵamynda 10 saıajaı úıi sý astynda qaldy.

Oǵan qosa Syrym aýdanynda 5, Terektide 1 úıden sý sorylyp alyndy.

Oblys boıynsha aldyn ala kóshirilgen 265 adamnyń 26-sy úılerine oraldy. 33-i evakýatsııalyq qosynǵa, 206-sy týysqandarynyń úılerine ornalastyryldy. 282 bas mal qaýipsiz jerlerge aıdaldy.

Elektr jelisindegi aqaýdyń saldarynan Syrym aýdany Jambyl aýyly (48 abonent) jaryqsyz qaldy.

Óńirde sý shaıyp ketken joldarda qalpyna keltirý jumystary atqarylýda.

«Apattyq-qutqarý jumystaryna 996 adam, 323 tehnıka jumyldyryldy. Sonyń ishinde Atyraý jáne Mańǵystaý oblysy tótenshe jaǵdaılar departamentteriniń kúsh-quraldary qaýipti aımaqtarǵa jiberildi», dep habarlady vedomstvodan.

Eske sala keteıik, budan buryn Batys Qazaqstannyń Báıterek aýdanynda tótenshe jaǵdaı jarııalanǵanyn jazǵan bolatynbyz.

Sondaı-aq Aqsaı qalasynda úılerge sý kirip, 13 adam evakýatsııalandy.

Oralda sý basý qaýpine baılanysty Mashtakov aýylynan turǵyndar kóshirildi.

BQO-nyń Qaratóbe aýdanynda tótenshe jaǵdaı jarııalandy.