Batys Qazaqstanda 5 jasar bala sýǵa batyp ketti
BQO TJ departamentiniń baspasóz qyzmetinen málim etkenindeı, oqıǵa 28 shilde kúni Báıterek aýdany Jaıyq aýylynda «Saya» demalys bazasynda boldy.
«Saǵat 19.30-da bes jasar balanyń joǵalyp ketkeni jóninde habar túsken. Іzdestirý jumystaryna jedel qutqarý jasaǵynan 4 adam (1 júzý quraly) qatysty. Saǵat 19.40-ta kýágerler balanyń denesin sýdan shyǵaryp aldy. 2017 jylǵy ul bala shomylý úshin jabdyqtalǵan jaǵajaıda ata-anasymen, týystarymen birge bolǵan. Anyqtalǵanyndaı, bala úrlemeli sheńbermen júzip júrgen. Ata-anasy men týystary sol kezde jaǵadan 50 metr jerdegi jazǵy kafede bolǵan. Balanyń joǵalǵanyn kórgennen keıin izdestire bastaǵan. Qutqarýshylardyń biri balanyń máıitin tapty», - dep habarlady vedomstvodan.
Bıyl óńirde 12 adam sýǵa ketse, sonyń beseýi balalar bolyp otyr.
Eske sala keteıik, budan buryn Oralda belgisiz jándik shaǵyp alǵan 9 jasar balanyń jansaqtaý bóliminde jatqanyn jazǵan bolatynbyz.