Batys Qazaqstanda 5 tonna pishen órtenip ketti
ORAL. QazAqparat – Batys Qazaqstan oblysynda 5 tonna pishen órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe keshkisin Bókeı ordasy aýdany Bısen aýylynda boldy.
Saǵat 20.46-da pishenniń otqa oranǵany jóninde habar túsken.
«Tilsiz jaýdy» aýyzdyqtaýǵa 3 adam, 1 tehnıka jumyldyryldy. Órt sóndirilgenimen, 5 tonna pishen janyp ketti.
Zardap shekkender joq.
Ókinishke qaraı, óńirde qysqa daıyndalǵan pishenniń órtenýi jıilep tur.
Eske sala keteıik, budan buryn oblysta qora-qopsy men pishenniń órtenip ketkenin jazǵan bolatynbyz.
