Batys Qazaqstanda 5-synyp oqýshysy asýly kúıinde tabyldy
ORAL. QazAqparat – Batys Qazaqstan oblysynda oqýshy bala qaza boldy, dep habarlaıdy QazAqparat tilshisi.
BQO Bilim basqarmasynyń baspasóz qyzmetinen málim etkendeı, oqıǵa 20 mamyr kúni Terekti aýdany Sársenov aýylynda boldy.
Shamamen saǵat 21.00-de Shóptikól negizgi orta mektebiniń 5-synyp oqýshysy óz úıiniń shatyrynan asýly kúıinde tabyldy.
Anyqtalǵandaı, ol kópbalaly jáne tolyq emes otbasynda tárbıelengen.
BQO Polıtsııa departamentiniń baspasóz qyzmetinen túsken aqparatqa qaraǵanda, atalǵan derek boıynsha Terekti aýdanynyń polıtsııa bólimi tergeý júrgizýde.
Oqıǵanyń mán-jaıy anyqtalý ústinde. Ólimniń sebebin anyqtaý úshin múrde sot-medıtsınalyq saraptamaǵa jiberildi.
