Batys Qazaqstanda 5 myńnan astam iri qaradan brýtsellez tabyldy
ORAL. QazAqparat – Batys Qazaqstan oblysynda jyl basynan beri 5030 bas iri qara, 788 bas usaq mal brýtsellezge shaldyqty, dep habarlaıdy QazAqparat tilshisi.
Oblys ákimdiginen málim etkenindeı, atalǵan sanıtarlyq mal basy ýaqtyly soıýǵa tapsyryldy.
Maldy baǵyp-kútken kezde, sondaı-aq onyń ónimderin paıdalanǵan kezde brýtsellez adamǵa da juǵady.
Bıylǵy on bir aıda 45 adamnyń osy indetpen aýyrǵany tirkeldi. Sonyń ishinde Aqjaıyq aýdanynda – 16, Bórlide – 5, Báıterekte – 7, Jańaqala, Tasqala, Shyńǵyrlaýda – 2-2-den, Qaratóbede – 1, Oral qalasynda 8 adam syrqattandy.
«Jyl basynan beri janýarlardyń asa qaýipti juqpaly aýrýlarynyń 13 oshaǵy (1 qarasan, 4 qutyrý, 7 juqpaly rınotraheıt, 1 bradzot) tirkeldi. Aýrý oshaqtarynda respýblıkalyq epızootııaǵa qarsy jasaq qyzmeti arqyly tıisti vaktsınatsııalaý, dezınfektsııalaý jumystary atqaryldy. Jyl saıyn veterınarııalyq is-sharalar josparyna sáıkes janýarlardyń 12 asa qaýipti aýrýyna qarsy profılaktıkalyq is-sharalar júrgizilip keledi», dep habarlady QazAqparat tilshisine vedomstvodan.
Eske sala keteıik, budan buryn Batys Qazaqstanda iri qara sany 790 myńǵa jetkenin jazǵan bolatynbyz.
