Batys Qazaqstanda 5 myń gektardan astam dalaly alqap órtke orandy - TJM
STANA. Shildeniń 30-y. QazAqparat - Batys Qazaqstanda 5 myń gektardan astam dalaly alqap órtke orandy.
Tótenshe jaǵdaılar mınıstrliginen habarlaǵandaı, shildeniń 28-i kúni 14.47-de Jánibek aýdanyna qarasty Taý aýyldyq okrýginiń 4700 ga dalaly alqaby jandy.
Tilsiz jaý oblys boıynsha TJD órtke qarsy qyzmetiniń jeke quramdaǵy 8 adamy men 1 tehnıkasynyń sondaı-aq, jergilikti 15 turǵynnyń kómegimen kelesi kúni keshqurym aýyzdyqtaldy.
Qutqarýshylardyń aıtýynsha, qurbandar men zardap shekkender joq.
Osy kúni sondaı-aq, 16 saǵat 47 mınýtta órt, Qaztalov aýdany Bolashaq aýyldyq okrýginiń 350 ga aýmaǵyn sharpydy. Jalynnyń qushaǵyna sonymen birge, árqaısysy 250 keli bolatyn 487 teń shóp tústi. Abyroı bolǵanda adam shyǵyny joq.
Órt shildeniń 29-y kúni 18.15-te oblys boıynsha TJD órtke qarsy qyzmetiniń 6 adamy men 1 tehnıkasynyń jáne jergilikti 18 turǵynnyń kúshimen sóndirildi.
