Batys Qazaqstanda 45 myńnan astam adam revaktsınatsııadan ótti

ORAL. QazAqparat – Batys Qazaqstan oblysynda 45 049 adam revaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, sondaı-aq 8 801 adam Pfizer vaktsınasyn saldyrsa, sonyń 307-si – júkti, 3 960-y – bala emizetin áıelder, 4 534-i – jasóspirimder.

Oblysta 267 125 adam birinshi komponentpen egildi, bul – egilýge jatatyn turǵyndardyń 64,5 paıyzy. Sondaı-aq 249 660-y (60,2 paıyz) ekinshi komponentti qabyldady.

Kúni búgin óńirde 80 763 doza І, 124 109 doza ІІ komponent, 1902 doza «Spýtnık Lite» vaktsınasy bar.

Basqarmadan túsken málimetke qaraǵanda, pandemııa bastalǵannan beri 47 865, bıyl 7 795, sońǵy táýlikte 351 adamnyń koronavırýs juqtyrǵany anyqtaldy.

Qazirgi kezde 751 tósektik 14 ınfektsııalyq statsıonarda 378 naýqas emdelýde. Aýrýhanalar 50,3 paıyzǵa tolǵan.

Jansaqtaý bólimshesindegi 21 adamnyń 18-i aýyr, úsheýi asa aýyr halde.

Jyl basynan beri indetten kóz jumǵandar sany 14-ke jetti.

Eske sala keteıik, budan buryn jyl basynan beri 7 myńnan astam adamnyń koronavırýs juqtyrǵanyn jazǵan bolatynbyz.