Batys Qazaqstanda 434 baladan koronavırýs tabyldy
ORAL. QazAqparat – Batys Qazaqstan oblysynda jyl basynan beri 434 baladan koronavırýs tabyldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz qyzmeti málim etkenindeı, kúni búgin sonyń 364-i jazylyp shyqty.
Sondaı-aq bıyl bilim berý mekemeleriniń 208 qyzmetkeri vırýs juqtyrsa, sonyń 155-i emdelip shyqty.
Osy kezge deıin oblysta barlyǵy 15048 adam aýyrsa, sonyń 12241-i jazyldy. 240 adam kóz jumdy.
Ótken táýlikte 96 adamnyń syrqattanǵany belgili boldy. Aldyńǵy aptamen salystyrǵanda, juqtyrý deńgeıi 6 paıyzǵa ósip otyr.
Jyl basynan beri 5827 adam tirkelse, sonyń 3567-si nemese 61,2 paıyzy Oral qalasynyń úlesine tıedi. Sondaı-aq Báıterek aýdanynda 685 (11,7 paıyz), Bórlide 568 (9,7 paıyz) adam aýrý juqtyrǵan.
Qazirgi tańda 8 ınfektsııalyq statsıonarda 363 adam, sonyń ishinde 17 adam jansaqtaý bóliminde jatyr.
«Oblysta koronavırýsqa qarsy vaktsına salý jumystary jalǵasýda. Kúni búginge deıin túsken partııadan (5250 doza – birinshi, 4250 doza – ekinshi komponent) 5174 adam vaktsınanyń birinshi komponentimen egilip úlgerse, sonyń 1092-si – ustazdar, 244-i – quqyq qorǵaý organdarynyń ókilderi. Sondaı-aq 1025 adam ekinshi komponentin aldy», dep habarlady BQO densaýlyq saqtaý basqarmasy.
Eske sala keteıik, budan buryn Batys Qazaqstanda karantın sharalary kúsheıtilgenin jazǵan bolatynbyz.
