Batys Qazaqstanda 42,5 tonna pishen órtenip ketti

ORAL. QazAqparat – Batys Qazaqstan oblysynda 42,5 tonna pishen janyp ketti, dep habarlaıdy QazAqparat tilshisi.
None

BQO TJ departamentiniń baspasóz qyzmetinen málim etkenindeı, oqıǵa 14 qyrkúıek kúni keshkisin Terekti aýdany Terekti aýylynda boldy.

«Saǵat 19.23-te Boınaıa kóshesi 30-mekenjaıynda 25 tonna shóp (100 rýlon) pen aýmaǵy 15 sharshy metr qora otqa orandy. Kúshti jeldiń saldarynan jalyn kórshiles ornalasqan Gorkıı kóshesi 15/1-úıdiń aýlasyna aýysty. Munda 17,5 tonna (70 rýlon) pishen men 40 sharshy metr qora jandy. Órtti sóndirýge 19 adam (6 tehnıka) jumyldyryldy. «Tilsiz jaý» saǵat 21.30-da oqshaýlanyp, 15 qyrkúıekte 00.55-te tolyqtaı aýyzdyqtaldy. Zardap shekkender joq. Qazirgi kezde órttiń shyǵý sebebi, keltirilgen shyǵyn anyqtalý ústinde», dep habarlady vedomstvodan.

Jyl basynan beri oblys boıynsha barlyǵy 378 órt tirkeldi.

Eske sala keteıik, budan buryn BQO-da 11 tonna toqyma buıymdary tıelgen júk kóligi órtengenin jazǵan bolatynbyz.



Сейчас читают