Batys Qazaqstanda 400-ge jýyq adam ınfektsııalyq statsıonarlarda emdelip jatyr
ORAL. QazAqparat – Batys Qazaqstan oblysynda 1123 tósektik 18 ınfektsııalyq statsıonarda koronavırýs juqtyrǵan 395 adam emdelip jatyr, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sonyń ishinde Oral qalasynda 600 tósektik 5 statsıonarda 321 naýqas em qabyldaýda.
Basqarma málimetine qaraǵanda, indet bastalǵannan beri 23070 adam tirkelip, sonyń 18 myńy jazylyp shyqty. 343-i ómirden ótti.
Sońǵy táýlikte koronavırýs juqtyrǵan 60 adam anyqtalyp, 22 naýqas emdelip shyqty.
Sońǵy aptada aldyńǵymen salystyrǵanda, aýrý juqtyrý kórsetkishi 7,1 paıyzǵa (44 adamǵa) tómendedi.
Jyl basynan beri 13849 adamnan indet tabylsa, sonyń 55,8 paıyzy (7739) Oral qalasy, 14,2 paıyzy (1973) Báıterek, 11,1 paıyzy (1551) Bórli aýdanynyń úlesine tıedi.
Oblys boıynsha kúni búginge deıin 71510 adam vaktsınanyń birinshi, 34248-i ekinshi komponentimen egildi.
Eske sala keteıik, budan buryn Batys Qazaqstanda koronavırýstan qaıtqandar sany kóbeıgenin jazǵan bolatynbyz.
