Batys Qazaqstanda 400-den astam naýqas ınfektsııalyq statsıonarlarda emdelip jatyr
ORAL. QazAqparat – Batys Qazaqstan oblysynda koronavırýs juqtyrǵan 401 adam 1123 tósektik 18 ınfektsııalyq statsıonarda emdelýde, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sonyń ishinde Oral qalasyndaǵy 600 tósektik 5 statsıonarda 325 adam jatyr.
Atap aıtqanda, 350 tósektik oblystyq juqpaly aýrýlar aýrýhanasynda 215 patsıent bolsa, 200 tósektik modýldik aýrýhanada 162 naýqas em qabyldaýda. Oblystyq juqpaly aýrýlar aýrýhanasynyń 150 tósektik 2 korpýsynda 53 adam ornalastyrylǵan. 25 naýqas jansaqtaý bólimshesinde.
Óńirde rezerv retinde 1444 tósek-oryn (679-y ınfektsııalyq, 765-i karantındik) ázirlendi.
Basqarma málimetine qaraǵanda, jyl basynan beri 12922 adam koronavırýs juqtyrsa, sonyń 56,6 paıyzy (7325-i) Oral qalasynda, 13,5 paıyzy (1757) Báıterek, 11 paıyzy (1425) Bórli aýdanynda tirkelgen.
Eske sala keteıik, budan buryn Batys Qazaqstanda myń adamnyń indetke qarsy ekpe saldyrǵanyn, sońǵy tórt kúnde 340-qa jýyq adamnan koronavırýs anyqtalǵanyn jazǵan bolatynbyz.
