Batys Qazaqstanda 4,4 myń adamǵa koronavırýsqa qarsy ekpe salyndy
ORAL. QazAqparat – Batys Qazaqstan oblysynda 4371 adam koronavırýsqa qarsy ekpe aldy, dep habarlaıdy QazAqparat tilshisi.
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar alańynda málim etkenindeı, sonyń 786-sy – pedagogtar, 199-y – quqyq qorǵaý organdarynyń ókilderi.
Gúlnár Maqsotqyzynyń sózine qaraǵanda, oblysta 1 aqpannan beri alǵashqy (1000 doza) jáne ekinshi (3250 doza) partııadan Gam-KOVID-Vak vaktsınasynyń І komponentimen egý aıaqtaldy.
Oǵan qosa 19 naýryz kúni óńirge 1 myń doza (І komponent) mólsherinde Gam-KOVID-Vak (Sputnik V) vaktsınasy jetkizildi. Ekpe keste boıynsha júrgizilýde.
Qazirgi kezde qaýlyǵa sáıkes birinshi kezekte bastapqy kezeńge ilikpeı qalǵan, koronavırýsty juqtyrý qaýpi joǵary medıtsına qyzmetkerleri, sondaı-aq muǵalimder men quqyq qorǵaý organdarynyń ókilderi egilýde.
Oblysta osy kezge deıin aýyrǵan 14597 adamnyń 11944-i nemese 82 paıyzy jazylyp shyqty. 230 adam kóz jumdy.
Basqarma basshysynyń orynbasary juqpaly aýrýlar statsıonarlaryna naýqastardyń aýyr jáne asa aýyr halde túsip jatqandyǵyn jetkizdi.
Óńirdegi 195 tósektik 4 karantındik statsıonarda 20 adam emdelýde.
Al 596 tósektik 8 ınfektsııalyq statsıonarda jatqandar sany 308-ge jetti. Sonyń ishinde 16-sy jansaqtaý bóliminde.
Bunyń bireýi – 50-ge deıin, úsheýi – 50-60, 9-y – 60-80 jas aralyǵyndaǵylar, taǵy úsheýi – seksennen asqandar.
14-iniń sozylmaly syrqaty bar, sonyń 10-y júrek-qan tamyrlary aýrýlaryna, tórteýi qant dıabetine shaldyqqan.
«Kúni búgin ınvazıvti jasandy tynys alý apparatyna 3, ınvazıvti emes osyndaı qurylǵyǵa 7, ottegi kontsentratoryna 12, ortalyqtandyrylǵan ottegi kózine 68 naýqas qosylǵan. Turǵyndarǵa JRVI belgileri baıqalǵan boıda medıtsınalyq kómekke dereý júginý, sondaı-aq sanıtarlyq talaptardy saqtaý kerektigin eske salamyz», dedi G.Ábdirahmanova.
Eske sala keteıik, budan buryn BQO-da úshinshi toqsanda 400-ge jýyq oqýshydan koronavırýs anyqtalǵanyn jazǵan bolatynbyz.
