Batys Qazaqstanda 360-tan astam quqyq buzýshy ustaldy

ORAL. QazAqparat - Batys Qazaqstan oblysynda 360-tan quqyq buzýshy ustaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, polıtsııaǵa jetkizilgen 363 quqyq buzýshymen áńgimelesý júrgizilgen. Sonymen qatar 27 adam mán-jaıdy anyqtaýǵa deıin ustalǵan. 2 adam ákimshilik jaýapkershilikke tartylyp, 20 táýlikke qamaldy. Bul baǵyttaǵy jumystar jalǵasýda. Aıta keteıik, 5 qańtar kúni saǵat túngi 03.00-de armatýra, tas, taıaqtarmen qarýlanǵan top oblys ákimdigi ǵımaratyna shabýyl jasaýǵa árekettendi.

Shabýyldy toıtarý kezinde eshkim zardap shekken joq. Sol sekildi 4 qańtar kúni mıtıngige shyqqandar Aqsaı-Oral, Aqsaı-Shyńǵyrlaý joldaryn jaýyp tastady. Oqıǵa ornyna kelgen BQO polıtsııa departamentiniń bastyǵy Maqsuthan Ablazımov óz talaptaryn bildirgen azamattarmen kelissóz júrgizdi. Sonyń nátıjesinde Bórli aýdanynyń 250-den astam turǵyny úılerine tarady. Qazirgi ýaqytta oblystaǵy jaǵdaı quqyq qorǵaý jáne arnaıy organdardyń erekshe baqylaýynda.

Eske sala keteıik, budan buryn Oralda túnde mas júrgender ustalǵanyn, Batys Qazaqstan oblysynda avtokólikten granata tabylǵanyn jazǵan bolatynbyz.

Sondaı-aq óńirde bes blokpost ornatyldy.