Batys Qazaqstanda 33 gradýsqa deıingi aıazdar kútilýde
ORAL. QazAqparat - «Qazgıdromet» RMK Batys Qazaqstan oblystyq fılıalynyń málimeti boıynsha, jeltoqsannyń 20-synan 21-ine qaraǵan túni óńirde aýa temperatýrasy 28-33 gradýsqa deıin kúrt tómendeýi yqtımal, dep habarlaıdy «QazAqparat» HAA tilshisi.
BQO TJ departamentiniń jedel kezekshisi, azamattyq qorǵaý kapıtany Azamat Nurpeıisovtiń aıtýynsha, Oral qalasynda bul kúnderi 30-32 gradýsqa deıin sýytpaq. Osyǵan baılanysty óńirde turǵyndar arasynda tótenshe jaǵdaılarǵa jol bermeý, sondaı-aq ómirlik mańyzy zor nysandar, elektr jáne baılanys júıeleriniń úzdiksiz jumysyn qamtamasyz etý maqsatynda saqtyq sharalary qolǵa alynýda.
Aıta keteıik, qazirgi kezde oblys ortalyǵynda kún jyly, temperatýra tili 1 gradýsty kórsetip tur.
