Batys Qazaqstanda 32 jastaǵy jigit bótelkelesin pyshaqtap óltirdi
ORAL. QazAqparat – Batys Qazaqstan oblysynda pyshaq jaraqatynan er adam qaza tapty, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, 8 jeltoqsan kúni saǵat 00:30-da Terekti aýdany aýmaǵynda kisi óltirý deregi ashyldy.
Araq ishý barysynda bir-birimen sózge kelgen 32 jastaǵy turǵyn asúıde 44 jastaǵy er adamnyń ishi, arqasy men keýde tusyna pyshaq salǵan.
Sonyń saldarynan er adam jedel járdem kelgenge deıin kóz jumdy. Múrde sot-medıtsınalyq saraptamaǵa jiberildi.
Qazirgi kezde kúdikti ýaqytsha oqshaýlaý ızolıatoryna qamaldy. QR QK 99-baby 1-bóligine (kisi óltirý) sáıkes tergeý amaldary júrgizilýde.
BQO densaýlyq saqtaý basqarmasy baspasóz qyzmetiniń naqtylaýynsha, búgin tańmen taǵy bir adam ólimi tirkeldi.
Ekinshi oqıǵa Oraldaǵy páter ıeleri kooperatıvinde boldy. 64 jastaǵy er adam jumys ornynda kóz jumdy. Jedel járdem saǵat 09.00-de shaqyryldy.
Ol da jedel járdem kelgenge deıin qaıtys boldy.
Eske sala keteıik, budan buryn Aqsaıda aıaǵyna oq tıgen 25 jastaǵy jigittiń aýrýhanaǵa túskenin jazǵan bolatynbyz.
