Batys Qazaqstanda 31 myńnan astam adam turǵyn úı kezeginde tur
BQO energetıka jáne turǵyn úı-kommýnaldyq sharýashylyq basqarmasynyń basshysy Mırjan Nurtazıevtiń óńirlik kommýnıkatsııalar qyzmeti alańynda ótken brıfıngte málim etkenindeı, sonyń 11 470-i áleýmettik jaǵynan az qamtylǵan otbasylar sanatyna jatady. 3 246-sy – kóp balaly otbasylar.
Onyń sózine qaraǵanda, 2019-2021 jyldary turǵyn úıge muqtaj turǵyndarǵa 1430 páter berildi.
Bıyl jyl basynan beri barlyǵy 282 páter berilse, sonyń 251-ine az qamtylǵandar, 72-sine kóp balaly otbasylar qonystandy.
Basqarma basshysynyń aıtýynsha, 2020 jyldan óńirde azamattarǵa bastapqy jarnanyń bir bóligin jabý úshin memleket tarapynan turǵyn úı sertıfıkattaryn usyný bastaldy.
2020-2021 jyldary 99 azamat 49 759,0 myń teńgege turǵyn úı sertıfıkattaryn aldy. Bıyl bul maqsatqa oblystyq bıýdjetten 199,5 mln teńge bólindi. Kúni búginge deıin 50 adam 29 989,4 myń teńgeniń sertıfıkatyna ıe boldy.
«Bıylǵy bir jańalyq, qazan aıynda oblys boıynsha turǵyn úı sertıfıkattaryn alýshylar sanattary tolyqtyryldy. Atap aıtqanda, mynadaı sanattaǵy azamattar turǵyn úı sertıfıkattaryn alýǵa óz ótinishin bere alady: 1) múgedektigi bar balalar nemese olardy tárbıeleýshi otbasylary; 2) «Altyn alqa», «Kúmis alqa» alqa ıegerleri nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen marapattalǵan kóp balaly analar, kóp balaly otbasylar; 3) tolyq emes otbasylar; 4) kámeletke tolǵanǵa deıin ata-analarynan aıyrylǵan jıyrma toǵyz jasqa tolmaǵan jetim balalar men ata-anasynyń qamqorlyǵynsyz qalǵan balalar jatady. Mundaı adamdardyń jasy áskerı qyzmetke shaqyrylǵan kezde merzimdi áskerı qyzmetten ótý merzimine uzartylady; 5) jasyna qaraı zeınet demalysyna shyqqan zeınetkerler; 6) birinshi jáne ekinshi toptardaǵy múgedektigi bar adamdar; 7) tıisti dıplomy bolǵan jaǵdaıda densaýlyq saqtaý, bilim berý, mádenıet, sport, veterınarııa, agroónerkásiptik keshen jáne quqyq qorǵaý salalarynda eńbek qyzmetin júzege asyratyn qajetti mamandar», dedi M.Nurtazıev.
Memleket basshysynyń tapsyrmasyna sáıkes sonymen qatar bıyldan bastap halyqtyń az qamtylǵan toptary úshin turǵyn úıdi jaldaý aqysyn sýbsıdııalaý da júrgizilýde. Bul maqsatqa jergilikti qazynadan 270 265,0 myń teńge qarastyryldy. Kúni búgin «Otbasy bank» AQ derekterine sáıkes 852 ótinim kelip tústi, onyń ishinde 243-i maquldandy jáne 42 azamatpen jaldaý sharty jasaldy.
Eske sala keteıik, budan buryn Oralda tok soǵyp, eki qolynan aıyrylǵan balanyń ata-anasyna páter berilgenin jazǵan bolatynbyz.
