Batys Qazaqstanda 300-deı júk kóligi jol keptelisinde turyp qaldy
ORAL. QazAqparat - Batys Qazaqstan oblysynda 300-deı júk kóligi jol keptelisinde turyp qaldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 02.41-de Shyńǵyrlaý aýdany aýmaǵynda Samara-Shymkent jolynyń 489-522 shaqyrymy aralyǵynda boldy.
Aqtóbe oblysy shekarasyna 4-5 shaqyrym jetpeı, ár jerde 300-deı júk jáne 50 jeńil kólik keptelip turyp qalǵan.
Olar qutqarýshylardyń aýa raıynyń buzylatyny jónindegi eskertýine qaramastan, jolǵa shyqqan.
Qazirgi kezde keptelisti joıý jumystary júrgizilýde.
Saǵat 09.30-daǵy málimet boıynsha 257 júk kóligi qaldy. Jeńil kólikter jolǵa shyǵyp ketti.
Eske sala keteıik, budan buryn BQO-da respýblıkalyq jolda kólik qozǵalysy shektelgenin jazǵan bolatynbyz.
