Batys Qazaqstanda 29 myńǵa jýyq adam koronavırýsqa qarsy vaktsına saldyrdy
ORAL. QazAqparat – Batys Qazaqstan oblysynda 29 myńǵa jýyq adam koronavırýsqa qarsy vaktsına saldyrdy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, ekpe naýqany bastalǵannan beri óńirge 62700 doza (37550-i – birinshi, 25150-i – ekinshi komponent) vaktsına jetkizildi.
Osy kúnge deıin 28885 adam (76,9 paıyz) birinshi komponentti qabyldasa, sonyń 5614-i – medıtsına qyzmetkerleri, 4469-y – pedagogtar, 2167-si – quqyq qorǵaý, 16425-i – basqa sala ókilderi.
Oǵan qosa 6601 adam ekpeniń ekinshi komponentin alyp úlgerdi.
Basqarma málimetine qaraǵanda, oblysqa 23 sáýir kúni kelgen 12400 doza (І komponent) vaktsına medıtsına uıymdaryna bólindi. Búginge deıin osydan 4810 adam (38,7 paıyz) ekpe aldy.
Sonymen qatar 25 sáýir kúni 2 myń doza (1 myńy – birinshi, 1 myńy – ekinshi komponent) otandyq QAZVAZ vaktsınasy ákelindi.
Halyqty kóbirek qamtý úshin egý pýnktteri demalys kúnderi de jumys istep jatyr. Aıtalyq, 23 sáýirde – 880, 24-inde – 540, 25-inde – 825, keshe 2490 adam egildi.
Eske sala keteıik, budan buryn Batys Qazaqstanda koronavırýsqa shaldyqqan 39 adamnyń jansaqtaý bóliminde jatqanyn, oblysta 1 mamyrdan bastap karantın kúsheıtilip, blokpostar qoıylatynyn jazǵan bolatynbyz.
