Batys Qazaqstanda 274 myńnan astam adam koronavırýsqa qarsy ekpe saldyrdy
ORAL. QazAqparat – Batys Qazaqstan oblysynda 274 280 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, bul – jalpy jospardyń 66,2 paıyzy.
Sonyń 263 704-i (63,6 paıyzy) ekinshi komponentpen de egildi.
Qazirgi tańda oblysta 50 430 doza І, 112 225 doza ІІ komponent bar.
Sondaı-aq 70 898 adam revaktsınatsııadan ótti.
Pfizer vaktsınasyn 10 905 adam qabyldasa, sonyń 5 645-i – jasóspirimder, 417-si – júkti, 4 832-si – bala emizetin áıelder, 11-i – múgedekter, ekeýi – shetelde em alýǵa joldama alǵandar.
Basqarmadan túsken málimetke qaraǵanda, pandemııa bastalǵannan beri 49 652, sonyń ishinde bıyl 9 582 adam koronavırýs juqtyrdy.
Sońǵy táýlikte indetpen esh adam tirkelmese, 132 naýqas jazylyp shyqty.
Qazirgi kezde 448 tósektik 11 ınfektsııalyq statsıonarda jatqan 4 naýqastyń bireýi aýyr halde.
Eske sala keteıik, budan buryn Batys Qazaqstanda ınfektsııalyq statsıonarda 4 naýqas qana qalǵanyn jazǵan bolatynbyz.
