Batys Qazaqstanda 253 myńnan astam adam koronavırýsqa qarsy vaktsına saldyrdy
ORAL. QazAqparat – Batys Qazaqstan oblysynda 253 283 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, bul – oblystaǵy egilýge tıisti turǵyndardyń (414 389) 61 paıyzy.
Oral qalasynda 224 092 adamnyń kúni búgin 128 895-i birinshi ekpeni saldyrdy.
Sondaı-aq oblys boıynsha 238 752 turǵyn (57,6 paıyz) ekinshi komponentti de aldy.
Óńirde egý jumystary jalǵasýda.
Kúni búgin 7233 adam revaktsınatsııadan ótti. Pfizer vaktsınasyn 4148 adam qabyldasa, sonyń 116-sy – júkti, 1607-si – sábı emizetin áıelder, 2425-i – jasóspirimder.
Oblystyq basqarmadan túsken málimetke qaraǵanda, sońǵy aptada aldyńǵymen salystyrǵanda, koronavırýs juqtyrý 49 paıyzǵa (50 naýqasqa) kemidi.
Qazirgi kezde 286 adam ambýlatorlyq em alsa, 69 naýqas statsıonarlarda jatyr. Bulardyń 10-y jansaqtaý bóliminde.
Eske sala keteıik, budan buryn Batys Qazaqstanda koronavırýs juqtyrý kórsetkishi 46 paıyzǵa tómendegenin jazǵan bolatynbyz.
