Batys Qazaqstanda 24 myńǵa jýyq adam koronavırýsqa qarsy ekpe saldyrdy
ORAL. QazAqparat – Batys Qazaqstan oblysynda 24 myńǵa jýyq adam koronavırýsqa qarsy ekpe saldyrdy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, óńirge osy kezge deıin 48300 doza (24150-i – birinshi, qalǵan jartysy – ekinshi komponent) jetkizildi.
Oblysta 23790 (98,5 paıyz) adam vaktsınanyń birinshi komponentin qabyldasa, sonyń 5381-i – medıtsına qyzmetkerleri, 4228-i – pedagogtar, 1841-i – quqyq qorǵaý organdary, 12340-y – basqa sala ókilderi.
Kúni búginge deıin 4931 adam ekinshi komponentpen egilip úlgerdi.
Oblysqa 9 sáýir kúni ákelingen 14 myń dozadan (І komponent) 13545 adam (95,7 paıyz) vaktsına aldy.
Basqarma málimetine qaraǵanda, óńirge 23 sáýir kúni taǵy 9800 doza (4900-y – І, jartysy – ІІ komponent) jetkizilmek. Sondaı-aq 26 sáýirde 15 myń (7500-i – І, 7500-i – ІІ komponent), 28-inde 14 myń (7 myńy – І, jartysy – ІІ komponent) doza vaktsına ákelinbek.
Osy aıda barlyǵy 38800 doza vaktsına kelip túspekshi.
Qazirgi kezde óńirde ujym bolyp ekpe alyp jatqandar da bar. Mysaly, «Azamattarǵa arnalǵan úkimet» memlekettik korporatsııasy KEAQ BQO boıynsha fılıalynyń basshysy Nádir Qurymbaev Feısbýktegi paraqshasynda ózimen birge fılıaldyń jetpis shaqty qyzmetkeri erikti túrde «Spýtnık V» vaktsınasyn saldyrǵanyn jazdy.
Eske sala keteıik, budan buryn Batys Qazaqstanda 624 naýqastyń ınfektsııalyq statsıonarda jatqanyn, kóshpeli egý brıgadalary jumys jasaıtynyn, bir aptada koronavırýs juqtyrǵandar sany 1 myńnan asqanyn jazǵan edik.
