Batys Qazaqstanda 24 mlrd teńgeniń jol qurylysy jumystary atqarylmaq
ORAL. QazAqparat - Batys Qazaqstan oblysynda bıyl 24 mlrd. teńgeniń jol qurylysy jumystary atqarylmaq, dep habarlaıdy «QazAqparat» HAA tilshisi.
QR Indýstrııalar jáne damý mınıstriniń orynbasary Roman Sklıardyń óńirge jumys sapary kezinde málim etkenindeı, sonyń ishinde 16 mlrd. teńge respýblıkalyq, 8 mlrd. teńge jergilikti mańyzy bar jolǵa jumsalmaq. Oblysta «Nurly jol» baǵdarlamasyna sáıkes Oral-Tasqala-RF shekarasy joly qaıta salynyp jatqany belgili. Bıyl osy joldyń 50 shaqyrymy iske qosylmaq. Jalpy quny 23 mlrd. teńgege eseptelgen bul jol qurylysy aldaǵy jyly márege jetpek. Bıyl sondaı-aq respýblıkalyq mańyzy bar Chapaev-Jalpaqtal, Qaztalov-Jánibek jolynyń 20 shaqyrymy kúrdeli jóndelmek. 123 km jol ortasha jóndeýmen qamtylady. Oǵan qosa jalpy uzyndyǵy 126 km jergilikti joldar jóndelmek. Sonyń ishinde Bórli-Aqsaı-Jympıty jolynyń 15 shaqyrymy, Oral-Kırsanov, Chapaev-Jańaqala-Saıqyn, Barbastaý-Aqjaıyq-Inder baǵytyndaǵy joldar bar. Barlyq nysandarda 4 myńdaı adam jumys jasamaq.
Eske sala keteıik, ótken jyly oblysta 23,5 mlrd. teńgege 290 km astam jol jóndelgen bolatyn, bul 2015 jylǵydan 5 mlrd. teńgege artyq.
