Batys Qazaqstanda 24 eldi meken elektr jaryǵynsyz qaldy
ORAL. QazAqparat - Batys Qazaqstan oblysynda 24 eldi meken elektr jaryǵynsyz qaldy, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, segiz aýdanda barlyǵy 3112 abonent jaryqsyz qaldy.
Atap aıtqanda, Báıterek aýdanynda 1596 abonent, Qaztalovta 260, Aqjaıyqta 523, Jańaqalada 96, Terektide 396, Shyńǵyrlaýda 14, Syrymda 45, Bórli aýyldarynda 182 abonent tosyn jaǵdaıǵa tap boldy.
BQO TJ departamentinde jedel shtab jumys istep jatyr. Qıyn jerlerge shuǵyl kómek jiberilýde.
Boranǵa baılanysty respýblıkalyq jáne oblystyq mańyzy bar 11 jol jabyldy.
Tasqala, Aqjaıyq jáne Báıterek aýdandarynda 21 tehnıka qar qursaýynda qaldy.
Kesheden beri dalada jáne qar qursaýynda qalǵan adamdardy qutqarý jumystary júrgizilýde.
Apattyq-qutqarý jáne kezek kúttirmeıtin kómek jumystaryna 77 adam, 50 tehnıka tartylǵan.
Eske sala keteıik, budan buryn Oralda aıazǵa baılanysty bastaýysh synyptar oqýshylary mektepke barmaıtynyn jazǵan bolatynbyz.
