Batys Qazaqstanda 220 myńnan astam adam koronavırýsqa qarsy ekpe saldyrdy

ORAL. QazAqparat – Batys Qazaqstan oblysynda 220 164 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, bul – oblys boıynsha egilýge jatatyn turǵyndardyń 61,2 paıyzy.

Ótken táýlikte óńirde 560 adam vaktsınanyń І komponentin qabyldady. Sonyń ishinde 10 pedagog, 7 medıtsına qyzmetkeri, 7 stýdent, basqa da sala ókilderi bar. Sondaı-aq sozylmaly syrqaty bar 28 adam egildi.

Turǵyndardy vaktsınatsııalaý qaladaǵy emhanalar men aýdandardaǵy aýrýhanalarda, oǵan qosa jyljymaly keshenderde júrgizilýde.

Oblysta vaktsınatsııa máseleleri boıynsha 24-00-06 call-ortalyǵy jumys isteıdi. Sonymen qatar qajetti aqparatty stopcovid.kz saıty arqyly tabýǵa bolady.

Eske sala keteıik, budan buryn Batys Qazaqstanda koronavırýs juqtyrǵan 40-qa jýyq naýqastyń aýyr halde jatqanyn jazǵan bolatynbyz.