Batys Qazaqstanda 21 tonna pishen janyp ketti
ORAL. QazAqparat – Batys Qazaqstan oblysynda órt saldarynan 21 tonna pishen janyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa Jańaqala aýdany Jańajol aýylynda bolǵan.
Sarkól kóshesi, 2 mekenjaıynda jeke úıdiń aýlasynda 90 sharshy metr qora-qopsy, 110 sharshy metr pishen otqa orandy. Sonyń saldarynan 21 tonna pishen kúlge aınaldy.
Órtti sóndirýge jeke quramnan - 3, sondaı-aq erikti órt sóndirýshi jasaǵynan - 48 adam qatysty.
Taǵy bir osyndaı oqıǵa Jánibek aýdany Borsy aýylynda tirkeldi.
Abaı kóshesi, 17 mekenjaıynda sharýashylyq qurylysy jandy. Órt aýmaǵy - 160 sharshy metr. Munda da 53 adam órt sóndirýge jumyldy.
Qazirgi kezde órttiń shyǵý sebepteri, kelgen shyǵyn kólemi anyqtalyp jatyr.
Eske sala keteıik, budan buryn BQO-da turǵyn úı órtenip, 45 adam evakýatsııalanǵanyn jazǵan bolatynbyz.
