Batys Qazaqstanda 21 áleýmettik nysan salynýda
Oblystyq qurylys basqarmasynyń basshysy Arman Óksikbaevtyń aıtýynsha, bul maqsatqa bıyl 8170,382 mln teńge bólingen bolatyn. Barlyq jumystar kestege sáıkes júrgizilýde. Qurylys jumystarynyń sapasy men merzimi udaıy baqylaýda.
Sondaı-aq, bıyl 65 myńnan astam adam turatyn 55 eldi mekendi aýyz sýmen qamtý úshin 39 jobany júzege asyrýǵa 9,1 mlrd teńge qaraldy. Sonda oblys aýyldaryn sýmen qamtý kórsetkishi 42,4 paıyzǵa jetpekshi. Barlyǵy 187 eldi meken ortalyqtandyrylǵan sý kózin paıdalanatyn bolady.
«Nurly jer» baǵdarlamasy aıasynda 2017 jyly 14,6 mlrd teńgeniń jumystary atqaryldy. 12,7 mlrd teńge qaladaǵy 14 kóp qabatty jáne aýyldardaǵy 188 úı qurylysyna jumsalsa, 1,9 mlrd teńgege ınjenerlik-kommýnıkatsııalyq ınfraqurylymnyń 15 jobasyn júzege asyrýǵa baǵyttaldy.
Bul baǵyttaǵy jumystar aldaǵy jyly da jalǵasady.
2018 jyly 4 bilim, 1 qorshaǵan ortany qorǵaý nysanyn jáne aýyldardy sýmen qamtý úshin 15 nysandy iske qosý josparlanyp otyr. Sonymen qatar, 1 sport, aýyldyq jerde 2 sýmen qamtý nysany salynbaqshy.
