Batys Qazaqstanda 20 naýqas koronavırýstan kóz jumdy
ORAL. QazAqparat – Batys Qazaqstan oblysynda jyl basynan beri 20 naýqas koronavırýstan kóz jumdy, dep habarlaıdy QazAqparat tilshisi.
BQO densaýlyq saqtaý basqarmasy málim etkendeı, sonyń ishinde 11-i sońǵy aptada qaıtys bolǵan.
Sońǵy kezde jansaqtaý bólimshesinde jatqan naýqastardyń kóbeıgeni baıqalady.
Keshegi málimet boıynsha olardyń sany 22 bolsa, búgin 27-ge jetti. Sonyń 25-i aýyr, ekeýi asa aýyr halde.
Oblys boıynsha 751 tósektik 14 ınfektsııalyq statsıonarda 354 adam emdelip jatsa, sonyń 330-y Oral qalasyndaǵy aýrýhanalarda.
Jyl basynan beri 8671 adam koronavırýs juqtyrsa, sonyń 4581-i – aýrý belgisi bar naýqastar.
Basqarmadan túsken málimetke qaraǵanda, óńirde 268 154 adam (egilýge tıisti turǵyndardyń 64,7 paıyzy) vaktsınanyń birinshi, 251 440-y (60,7 paıyzy) ekinshi komponentin saldyrdy.
Sondaı-aq 48 804 adam revaktsınatsııadan ótti. Pfizer vaktsınasymen 9 232 adam egilse, sonyń 4 776-sy – jasóspirimder, 326-sy – júkti, 4 130-y – emizetin sábıi bar áıelder.
Eske sala keteıik, budan buryn BQO-da ınfektsııalyq statsıonarlar 53,8 paıyzǵa tolǵanyn jazǵan bolatynbyz.
