Batys Qazaqstanda 20-dan astam avtokólik qar qursaýynda qaldy

ORAL. QazAqparat – Batys Qazaqstan oblysynda 20-dan astam avtokólik qar qursaýynda qaldy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 26 jeltoqsan kúni saǵat 18.16-da Bórli aýdany Dmıtrıev aýyly mańynda boldy.

TJ, jergilikti atqarýshy organdar jáne basqa qurylymdardyń kúshimen qar qursaýynda qalǵan 22 avtokólik tazartylǵan jerge shyǵaryldy.

Avtokólik salondarynda 33 adam boldy, olardyń beseýi – balalar. Olar medıtsınalyq kómekti qajetsinbedi.

Osyndaı oqıǵa Aqjaıyq aýdany aýmaǵynda boldy. Oral-Atyraý jolynyń 90-shaqyrymynda saǵat 04.27-de «Lada Kalına» avtokóligi synyp qalǵan. Bul jóninde saǵat 08.06-da habar túsken. Trassalyq-medıtsınalyq qutqarý beketiniń kúshimen 3 adam evakýatsııalandy.

Sondaı-aq Báıterek aýdanynda Úlken Shaǵan-Peremetnyı jolynda saǵat 06.51-de «Toıota» avtokóligi batyp qalǵan. Qar qursaýynan 2 eresek, 2 bala qutqaryldy.

Eske sala keteıik, budan buryn Oralda kúshti jel bes qabatty turǵyn úıdiń shatyryn julyp áketkenin, BQO-da taǵy bir respýblıkalyq jol jabylǵanyn jazǵan bolatynbyz.

Batys Qazaqstanda qatty jelden kolledj ǵımaratynyń shatyry ushyp ketti.

Sondaı-aq mádenıet úıiniń shatyry qulady.