Batys Qazaqstanda 2 myńnan astam arheologııalyq eskertkish qorǵaýǵa alynǵan
BQO tarıhı-mádenı muralaryn qorǵaý jónindegi memlekettik ınspektsııanyń ınspektory Ahmedııar Batyrhanovtyń aıtýynsha, sonyń ishinde 31-i – respýblıkalyq mańyzy bar eskertkish.
Sondaı-aq 166-sy jergilikti mańyzy bar tarıh, arhıtektýra jáne monýmentaldy eskertkish bolsa, 1965-i – jergilikti mańyzy bar arheologııalyq mura.
Óńirde tarıhı-mádenı muralardy anyqtaý, zertteý, eskertkishterdi arheologııalyq zerdeleý jáne ǵylymı jumystar júrgizý, esepke alý, olardyń tehnıkalyq jaǵdaıyn qaraý, fotofıksatsııadan ótkizý, saqtaý, nasıhattaý, baǵdarlamalar ázirleý, arheologııalyq eskertkishterdi qujattandyrý jáne olarǵa qorǵaý belgilerin ornatý jumystary udaıy júrgizilip keledi.
Kúni búgin qola dáýiri, erte temir dáýiri, orta ǵasyr kezinen syr shertetin tarıhı-mádenı muralardy zertteý maqsatynda memlekettik ınspektsııanyń bólim basshysy Abzal Baıbekov bas ınspektor Erulan Orynbasarov, júrgizýshi Málik Janǵalımen birge Shyńǵyrlaý aýdanynda tarıhı nysandarǵa qorǵaý belgilerin ornatý, GRS-koordınattaryn anyqtap jáne naqtylaý isin atqarýda. Aýdan boıynsha 192 arheologııalyq eskertkish anyqtalyp, sonyń 132-si monıtorıngten ótti. Qalǵan 60 eskertkishke monıtorıng júrgizilýde.
«Tarıhı-mádenı eskertkishterdi kózdiń qarashyǵyndaı qorǵaý – bizdiń basty mindetimiz. Bul baǵyttaǵy jumystar aldaǵy ýaqytta da jalǵasyn tabady», dedi QazAqparat tilshisine A.Batyrhanov.
