Batys Qazaqstanda 2 myńnan astam adam úı karantıninde jatyr
ORAL. QazAqparat – Batys Qazaqstan oblysynda 2245 adam úıden baqylanýda, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetinen túsken málimetke qaraǵanda, sondaı-aq provızorlyq statsıonarda – 21, karantındik statsıonarda 64 adam jatyr.
Oblystyq juqpaly aýrýlar aýrýhanasynda 148 adam em alýda.
Batys Qazaqstanda koronavırýstan emdelip shyqqandar sany 107-ge jetti.
Búgin taǵy alty adam jazylyp, úılerine jiberildi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olardyń úsheýi – Oral qalasynyń, ekeýi – Tasqala aýdanynyń turǵyndary. Taǵy bir adam Almaty qalasyna qaıtady.
«Aýrýhanada jatqandardyń ishinde bir naýqastyń jaǵdaıy aýyr. Qalǵandary jeńil jáne ortasha halde», dedi QazAqparat tilshisine N.Ahmetova.
Eske sala keteıik, budan buryn Oralda úsh túrkistandyq turǵynnyń emdelip shyqqanyn, Batys Qazaqstanda karantındik shekteý sharalary jeńildetilgenin jazǵan bolatynbyz.
