Batys Qazaqstanda 2 myńnan astam adam Pfizer vaktsınasyn qabyldady
BQO densaýlyq saqtaý basqarmasynyń baspasóz qyzmeti málim etkenindeı, sonyń 1203-i jasóspirimder bolsa, 73-i – júkti, 826-sy – bala emizetin áıelder.
Sondaı-aq 895 adam revaktsınatsııadan ótti.
Oblys boıynsha osy kezge deıin 249 472 adam (egilýge tıisti turǵyndardyń 60,2 paıyzy) vaktsınanyń birinshi, 231 592-si (55,9 paıyz) ekinshi komponentimen egildi.
Oral qalasynda egilýge tıisti 224 092 turǵyn bolsa, sonyń 126 971-i birinshi komponentti qabyldady.
Qazirgi kezde qoımalarda 90 115 doza І, 108 148 doza ІІ komponent bar.
Basqarmadan túsken málimetke qaraǵanda, sońǵy aptada aldyńǵymen salystyrǵanda, koronavırýs juqtyrý kórsetkishi 24,2 paıyzǵa (39 naýqasqa) azaıdy.
Kúni búgin koronavırýs juqtyrǵan 297 patsıent ambýlatorlyq em alýda.
Al 796 tósektik 16 ınfektsııalyq statsıonarda 119 naýqas jatyr. Sonyń 110-y Oral qalasyndaǵy aýrýhanalarda.
Jansaqtaý bólimshelerindegi 13 adamnyń 11-i aýyr, ekeýi asa aýyr halde. Invazıvti jasandy tynys alý apparatyna 2, ınvazıvti emes qurylǵyǵa 7, ottegi kontsentratoryna 4 adam
qosylǵan.
Jyl basynan beri koronavırýstan 668 adam qaıtys bolsa, sońǵy aptada 4 naýqas kóz jumdy.
Eske sala keteıik, budan buryn Batys Qazaqstanda 620 adamnyń revaktsınatsııadan ótkenin jazǵan bolatynbyz.
