Batys Qazaqstanda 180-ge jýyq adam juqpaly aýrýlar statsıonarynda jatyr
ORAL. QazAqparat – Batys Qazaqstan oblysynda 180-ge jýyq adam juqpaly aýrýlar statsıonarynda jatyr, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkendeı, Batys Qazaqstan oblysy qazirgi kezde «sary aımaqta».
Óńirde osy kezge deıin 9256 adam indet juqtyrsa, sonyń 8026-sy jazylyp shyqty. 169 adam kóz jumdy.
Sońǵy táýlikte - 35, bir aptada - 255 adam koronavırýspen tirkeldi.
Pnevmonııaǵa shaldyqqan 149 adam statsıonarda, 47-si ambýlatorlyq em alýda.
Pnevmonııadan barlyǵy 239 adam ómirden ozdy.
Invazıvti emes ókpeni jasandy jeldetý apparatyna 4, ottegi kontsentratoryna 6, ortalyqtandyrylǵan ottegi kózine 37 adam qosylǵan.
Kúni búgin jeti juqpaly aýrýlar aýrýhanasynda 179, karantındik statsıonarda 7 adam emdelýde. 17 adam jansaqtaý bóliminde.
Qyrkúıek aıynan beri aýyrǵan balalar sany 207-ge jetti.
Sonyń ishinde qyrkúıekte – 4, qazanda – 5, qarashada – 102, jeltoqsanda – 78, qańtarda 2 baladan indet tabyldy.
Oǵan qosa 16 balabaqsha tárbıelenýshisi (qarashada – 12, jeltoqsanda – 4) syrqattandy. Olardyń bári de otbasy múshelerinen juqtyrǵan.
Jeltoqsan aıynan beri Qarashyǵanaqtaǵy «QPO b.v.» kompanııasynan 87, Chınarev kenishindegi «Jaıyqmunaı» JShS-dan 61 adamnan koronavırýs shyqty.
Eske sala keteıik, budan buryn Batys Qazaqstanda 200-ge jýyq bala koronavırýs juqtyrǵanyn jazǵan bolatynbyz.
