Batys Qazaqstanda 17,2 mln. tonna júk tasyldy
ORAL. Qazannyń 23-i. QazAqparat /Ǵaısaǵalı Eraly/ - Batys Qazaqstan oblysynda bıylǵy toǵyz aıda 17,2 mln. tonna júk tasyldy,
dep habarlaıdy QazAqparat tilshisi oblystyq statıstıka departamentinen túsken málimetke silteme jasap.
Osy júktiń deni avtomobılmen tasylsa, 110 myń tonnasy ǵana ózen kóliginiń úlesine tıedi. Jyl basynan bergi júk aınalymy kólemi 876,2 mln. tonna-shaqyrymdy qurap, ótken jylǵydan 11,2 paıyzǵa tómendedi. Al jolaýshylar aınalymynyń kólemi 2,2 paıyzǵa ósip, 2737 mln. jolaýshy-shaqyrymǵa jetti. Qyrkúıek aıyndaǵy bul kórsetkish 348,1 mln. jolaýshy-shaqyrymdy qurap, ótken jylǵy osy aıdaǵydan 5,6 paıyzǵa artty.
