Batys Qazaqstanda 16617 adam jumysqa ornalasty
ORAL. Qazannyń 21-i. QazAqparat /Eljan Eraly/ - Batys Qazaqstan oblysynda qazannyń 1-i kúngi málimet boıynsha jumyspen qamtý organdarynda 2099 adam esepte turady, ekonomıkalyq belsendi turǵyndar sanyna shaqqanda jumyssyzdar úlesi 0,6 paıyzdy quraıdy, bul ótken jylǵydan 0,2 paıyzǵa tómen.
Oblys ákimdiginen túsken málimetke qaraǵanda, óńir halqyn jumyspen qamtýdyń 2008-2010 jyldarǵa arnalǵan aımaqtyq baǵdarlamasyna sáıkes bıylǵy toǵyz aıda 2010 jylǵa josparlanǵan 6115-tiń ornyna 6160 jumys orny ashyldy. Sonymen qatar «Jol kartasy» boıynsha 5130 jumys orny ashyldy.
Jyl basynan beri 16617 adam, sonyń 13697-si jumyspen qamtý ortalyqtary arqyly óz ornyn tapty. Sonyń ishinde 3893 adam «Jol kartasyna» sáıkes nápaqasyn aıyrýda. Áleýmettik jumys oryndaryna - 1960, jastar tájirıbesine 1208 adam jiberildi. Shaǵyn bızneske 2920 adam ornalastyryldy.
Aımaqtyq baǵdarlamada kózdelgen 1088-diń ornyna 901 áleýmettik jumys orny ashyldy. Sondaı-aq 6152 adam (baǵdarlamada josparlanǵannyń 90 paıyzy) aqyly qoǵamdyq jumystarǵa jiberildi.
Kedeı otbasylar sany - 1872, bul kórsetkish ótken jylǵydan 1159 otbasyǵa kemidi.
