Batys Qazaqstanda 150 tonna shóp órtenip ketti
ORAL. QazAqparat – Batys Qazaqstan oblysynda 150 tonna pishen órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 2 qarasha kúni keshkisin Shyńǵyrlaý aýdany Shyńǵyrlaý aýylynda boldy.
Saǵat 21.13-te «Jaras» agrofırmasy» sharýa qojalyǵynyń ashyq alańynda úıilgen 150 tonna shóbiniń janyp jatqany jóninde habar túsken.
Órt aýmaǵy shamamen 500 sharshy metrdi qamtydy.
Órt sóndirýshiler pishenniń yq jaqtaǵy bóligin kóshirip, janýdan aman alyp qaldy.
«Tilsiz jaý» saǵat 23.40-ta oqshaýlanyp, búgin 00.18-de aýyzdyqtaldy.
Zardap shekkender joq. Qazirgi kezde órttiń shyǵý sebebi, keltirilgen shyǵyn anyqtalyp jatyr.
