Batys Qazaqstanda 15 jasar jasóspirim Jaıyq ózenine batyp ketti
ORAL. QazAqparat – Batys Qazaqstan oblysynda 15 jasar jasóspirim Jaıyq ózenine batyp ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 25 maýsym kúni Terekti aýdany Aqjaıyq aýylynda boldy.
Saǵat 15.45-te 15 jasar jasóspirim ul shomylýǵa jabdyqtalmaǵan jerden Jaıyqqa túsip, batyp ketti.
BQO TJ departamenti jedel qutqarý jasaǵynyń izdeý toby balanyń denesin saǵat 22.24-te sýdan taýyp, shyǵardy.
Óńirde jyl basynan beri osymen 13 adam sýǵa ketse, sonyń tórteýi balalar bolyp otyr.
Sońǵy kúnderi Batys Qazaqstanda kún qatty ysyp ketti. Soǵan baılanysty BQO TJ departamenti turǵyndarǵa sýdaǵy qaýipsizdik erejelerin qatań saqtaý kerektigin eske salady.
Eske sala keteıik, budan buryn Batys Qazaqstanda mas kúıinde sýǵa túsken eki adamnyń batyp ketkenin, turǵyn úı órtenip, bir otbasynyń baspanasyz qalǵanyn jazǵan edik.
