Batys Qazaqstanda 15 tonna pishen janyp ketti
ORAL. QazAqparat – Batys Qazaqstan oblysynda 15 tonna pishen janyp ketti, dep habarlaıdy QazAqparat tilshisi.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, oqıǵa 21 naýryz kúni Báıterek aýdany Asan aýylynda oryn aldy.
Saǵat 11.57-de Rabochaıa kóshesindegi ulttyq sport túrlerinen oblystyq balalar men jasóspirimder sport mektebi aýmaǵynda 15 tonna pishenniń janyp jatqany jóninde habar tústi.
Tilsiz jaý órt sóndirýshilerdiń (7 adam, 2 tehnıka) kúshimen saǵat 14.23-te aýyzdyqtaldy.
Zardap shekkender joq.
BQO TJ departamenti otpen abaı bolýdyń qajettigin, sóndirilmegen alaýdyń, temeki men laqtyrylǵan sirińkeniń órtke ulasýy múmkin ekendigin eskertedi.
