Batys Qazaqstanda 14 jasar bala sýǵa ketip qaldy

ORAL. QazAqparat – Batys Qazaqstan oblysynda 14 jasar bala sýǵa ketip qaldy, dep habarlaıdy QazAqparat tilshisi.

Bórli aýdany Tótenshe jaǵdaılar bóliminen málim etkenindeı, oqıǵa 30 maýsym kúni Aqbulaq aýyldyq okrýginde boldy.

«Saǵat 19.19-da jergilikti turǵyndar Aqbulaq aýylynan 500 metr jerdegi saıdan 2009 jylǵy balanyń denesin shyǵaryp aldy. Bala belgisiz jaǵdaıda sýǵa batyp ketken. Qazirgi kezde oqıǵanyń jaı-japsary anyqtalyp jatyr», - dep habarlady vedomstvodan.

Eske sala keteıik, budan buryn Oral qalasy mańynda qurǵaq shóp pen butalar órtenip jatqanyn jazǵan bolatynbyz. Bul órt 1 shildege qaraǵan túni, saǵat 00.30-da tolyqtaı sóndirildi.