Batys Qazaqstanda 12 myńnan astam búldirshin birinshi synypqa barmaq
ORAL. QazAqparat – Batys Qazaqstan oblysynda bıyl 12 myńnan astam búldirshin birinshi synypqa barmaq. Bul týraly onlaın túrde ótken dástúrli tamyz máslıhatynda oblys ákimi Ǵalı Esqalıev málim etti, dep habarlaıdy QazAqparat tilshisi.
Óńir basshysy atap ótkenindeı, aldaǵy oqý jylynda oblys pedagogtaryna jańa mindetter júkteledi.
Bıyl oblystyń pedagogtar qatary 300-ge jýyq jas mamanmen tolyqty. Olardyń basym bóligi – Oraldaǵy bilimniń qara shańyraqtary Mahambet Ótemisov atyndaǵy
Batys Qazaqstan ýnıversıteti men Jahansha Dosmuhamedov atyndaǵy joǵary pedagogıkalyq kolledjiniń túlekteri.
Sonymen qatar Qyzdar pedagogıkalyq ýnıversıtetiniń túlekteri ustazdar qataryna qosyldy.
-Qazirgi epıdemıologııalyq ahýal turaqtalyp kele jatqanymen, qaýip áli seıile qoıǵan joq. Tıisti sharalardy qabyldaı otyryp, biz barlyq jaǵdaıǵa daıyn bolý kerekpiz.
Qaýipti indet jumys tártibimizge, qoǵamdyq ómirdiń barlyq salasyna eleýli ózgerister engizdi. Ózgerister bilim salasyn da aınalyp ótpedi. Shyny kerek, jańa formatqa oqýshylar, ata-ana, pedagogtar jáne jalpy qoǵam daıyn bolmady deýge bolady. Osyndaı qıyn jaǵdaıda jumystardy tıisti
deńgeıde uıymdastyra bilgen pedagogtarǵa, túsinistikpen qaraǵan ata-analarǵa alǵys aıtýymyz kerek, - dedi ákim.
Bıyl qabyldanǵan «Pedagog mártebesi týraly» zań aıasynda muǵalimderdi yntalandyrý sharalary qarastyryldy.
Memleket basshysy Qasym-Jomart Toqaevtyń tapsyrmasyna sáıkes tórt jyl ishinde pedagogtar jalaqysy 2 ese ósetin bolady. ıAǵnı 2023 jylǵa deıin jalaqy jyl
saıyn 25 paıyzǵa kóbeıedi. Sondaı-aq muǵalimderge jańartylǵan bilim mazmuny
boıynsha 30 paıyz jáne pedagogıkalyq sheberligi úshin jalaqysynyń 30-dan 50 paıyzǵa deıingi kóleminde qosymshaaqy tólenedi.
Ákimniń sózine qaraǵanda, qazirgi kezde aýyldyq jerde jumys isteıtin, eńbek ótili 25 jyldan asatyn joǵary sanatty ustaz orta eseppen 300 myń teńge jalaqy alady.
Іndetke baılanysty qashyqtan ótýge kóshý muǵalim eńbeginiń qanshalyqty mańyzdy ekendigin kórsetti. Osyndaı kúrdeli
kezeńde ustazdar abyrjyp qalmaı, qashyqtan oqytýdy tez meńgerdi. Túrli ınteraktıvtik kózder men baǵdarlamalardy
tıimdi paıdalana bildi.
«Pandemııa bizdiń elimiz úshin úlken synaq bolǵanymen, biz bul qıyndyqtardy birligimizdiń arqasynda eńserip kelemiz.
Yrys pen yntymaqtyń arqasynda jańa oqý jylyn oıdaǵydaı bastap, jańa tabystarǵa jetetinimizge senimdimin», dep túıindedi oıyn óńir basshysy.
Shara barysynda pedagogtar pikir alysyp, oblystyq baıqaýlar jeńimpazdary, úzdik ustazdar marapattaldy.
