Batys Qazaqstanda 119 adam qyzylsha juqtyrǵan
ORAL. QazAqparat – Batys Qazaqstan oblysynda 119 adamnyń qyzylshamen aýyrǵany belgili boldy, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Rınat Qubataevtyń aıtýynsha, sonyń 54-i nemese 45,4 paıyzy - balalar.
Oral qalasynda 75, Báıterek aýdanynda 23, Bórlide 7, Bókeı ordasynda 6, Syrymda 4, Terektide 4 adamnyń qyzylshamen aýyrǵany anyqtaldy.
Aýyrǵandardyń 44,4 paıyzy – 20 jastan asqan egilmegen turǵyndar, sonymen qatar 46,2 paıyzy – 1 jasqa deıingi, egý jasyna jetpegen sábıler.
R.Qubataevtyń sózine qaraǵanda, 16 qyrkúıekten bastap oblysta 20-29 jastaǵy adamdardy qyzylshaǵa jáne qyzamyqqa qarsy qosymsha egý jumystary júrgizilmek. Munymen oblys boıynsha 64700 adamdy qamtý kózdelýde.
Dúnıejúzilik densaýlyq saqtaý uıymy Eýropalyq óńirlik bıýrosynyń bıylǵy 30 shildedegi derekterine sáıkes 49 elde 130 myńnan astam adamnyń qyzylshamen aýyrǵany tirkelgen. Ásirese, bul jóninen Ýkraına (84394), Qazaqstan (9430), Grýzııa (4950), Izraıl (3982), Reseı (3494), Qyrǵyzstan (2928), Túrkııa (2669), Frantsııa (2368), Italııa (1831) elderinde qolaısyz jaǵdaı qalyptasqan.
Qazaqstanda qyzylsha boıynsha asqyný ótken jyldyń qarasha aıynda bastalyp, bıylǵy qańtar-aqpanda órshı túskeni baıqalǵan.
Eske sala keteıik, budan buryn qyzylshamen aýyrǵan 100 adamnyń jartysyna jýyǵy balalar ekenin jazǵan bolatynbyz.
