Batys Qazaqstanda 11 túlektiń UBT tártibin buzǵany anyqtaldy
ORAL. QazAqparat - Batys Qazaqstan oblysynda 11 túlektiń UBT tártibin buzǵany anyqtaldy, dep habarlaıdy QazAqparat tilshisi.
Ulttyq testileý ortalyǵynan málim etkenindeı, 18 mamyr men 13 maýsym aralyǵynda Batys Qazaqstan oblysy boıynsha abıtýrıentter 5 332 ret testileýge qatysqan.
«Kúni búginge deıin smartfon, shpargalka jáne basqa tyıym salynǵan zattardy alyp ótýge tyrysqan 9 túlek test tapsyrý múmkindiginen aıyryldy. Sondaı-aq testileý kezinde ereje buzǵan 2 túlek aýdıtorııadan shyǵaryldy. Olardyń nátıjeleri de joıyldy. Abıtýrıenttiń ornyna basqa adamnyń kirýi tirkelgen joq», – dep habarlady vedomstvodan.
Oblystyq bilim basqarmasy baspasóz qyzmetinen túsken málimetke qaraǵanda, Oral qalasyndaǵy 35-lıtseı túlegi Tarlan Isataıuly oblys boıynsha eń joǵary 136 ball jınady.
Bıyl Tarlan respýblıkalyq olımpıadada matematıka páninen 3-oryn alyp, qola júldege ıe boldy. Ol – respýblıkalyq olımpıadada Qanysh Sátpaev atyndaǵy Qazaq ulttyq tehnıkalyq ýnıversıteti jáne Ońtústik Qazaqstan ýnıversıtetiniń grantyn ıelengen oqýshylardyń biri.
Tarlan Isataıuly Almaty energetıkalyq ýnıversıtetinde bilim alyp, bolashaqta fızıka-matematıka salasynda eńbek etýdi maqsat etip otyr.
