Batys Qazaqstanda 108 myńnan astam shákirt bes kúndik oqý aptasyna kóshedi
BQO bilim basqarmasy basshysynyń orynbasary Svetlana Temirǵalıevanyń óńirlik kommýnıkatsııalar qyzmeti alańynda ótken brıfıngide málim etkenindeı, oblysta 376 kúndizgi jáne 3 keshki mektepke 118 myńnan astam oqýshy barady.
Onyń sózine qaraǵanda, sondaı-aq 1 aýysymda 81 mekteptegi 8 583 oqýshy bes kúndik formatta oqıtyn bolady.
Eki aýysymda oqytatyn 285 mektep (95 939 oqýshy) bolsa, sonyń 279-y (88 571 oqýshy) bes kún oqıdy.
Bul oqý jylyn 31 mamyrda aıaqtaý jáne oqý júktemesin azaıtý týraly sheshimniń aıasynda múmkin bolyp otyr.
«Sonymen qatar, bıyl QR Úkimetiniń 2008 jylǵy 25 qańtardaǵy №64 qaýlysyna sáıkes jalpyǵa birdeı bilim berý qorynan kómek túrlerimen 7232 bala qamtylady. Bir balaǵa jumsalatyn shyǵyn orta eseppen 37 389 teńgeni quraıdy. Oblys boıynsha aktsııa barysynda 5045 oqýshyǵa bıýdjettik qarjy (2556 oqýshy) jáne demeýshilik esebinen (2489 oqýshy) (bıýdjettik 53 mln 712,5 myń teńge, bıýdjetten tys 31 mln 671,9 myń) mektep formasy, keńse taýarlary, sporttyq kıimder satyp alyndy. Bul baǵyttaǵy jumystar jalǵasyn tabady», dedi S.Temirǵalıeva.
Basqarma basshysynyń orynbasary jańa oqý jylynda engiziletin basqa da ózgeristerge toqtaldy.
Eske sala keteıik, budan buryn halyqaralyq olımpıada júldegeriniń barlyq dúnıeniń kilti bilimde ekendigin aıtqanyn jazǵan bolatynbyz.
