Batys Qazaqstanda 105 myńǵa jýyq adam jer kezeginde tur

ORAL. QazAqparat – Batys Qazaqstan oblysynda 104 590 adam turǵyn úı salý úshin jer kezeginde tur, dep habarlaıdy QazAqparat tilshisi.

BQO jer qatynastary basqarmasynyń basshysy Murat Ómirálıevtiń óńirlik kommýnıkatsııalar qyzmeti alańynda ótken brıfıngide málim etkenindeı, sonyń 72 631-i Oral

qalasynda tirkelgen.

Onyń sózine qaraǵanda, sońǵy on jylda (2011-2021 jyldary) oblys boıynsha jeke turǵyn úı qurylysyna arnalǵan 9064 jer telimi berildi.

«Óńirde jer telimderin berý jumystary jalǵasatyn bolady. Aıtalyq, «Nurly jer» baǵdarlamasy aıasynda Aqjaıyq, Bórli, Báıterek, Qaratóbe, Terekti aýdandarynda

1422 jer telimin berý josparlanýda. Al 2022 jyly Oral qalasy boıynsha Krýgloozernyı kenti aýmaǵynda jeke turǵyn úı qurylysyna arnalǵan 1141 jer telimi ınjenerlik júıeler ótkizilgennen keıin kezekke sáıkes tabystalatyn bolady», dedi M.Ómirálıev.

Eske sala keteıik, budan buryn Táýelsizdiktiń 30 jyldyǵyna oraı Oral qalasynda

dzıýdodan Qazaqstan chempıonaty ótetinin, BQO-da paıdalanylmaı jatqan 174 myń gektar jerdiń memleketke qaıtarylǵanyn jazǵan bolatynbyz.

Sondaı-aq Batys Qazaqstanda 418 myń sharshy metr turǵyn úı paıdalanýǵa berildi.