Batys Qazaqstanda 100 myńnan astam shákirt oqý jylyn aıaqtady
ORAL. QazAqparat – Batys Qazaqstan oblysynda 390 mektepte 108 myńnan astam shákirt oqý jylyn aıaqtady, dep habarlaıdy QazAqparat tilshisi.
BQO bilim basqarmasynyń baspasóz qyzmeti málim etkenindeı, karantınge baılanysty bıyl sońǵy qońyraý merekesine arnalǵan onlaın synyp saǵattary uıymdastyryldy.
Oblys boıynsha bıyl 5142 túlek mektep bitirdi. Sonyń ishinde 362-si «Altyn belgi» ıegeri atansa, 223-i úzdik attestatqa qol jetkizdi.
Óńirde 13005 muǵalim bolsa, sonyń ishinde 2668-i – joǵary sanatty ustazdar.
Áleýmettik jelilerde úzdik muǵalimder, shákirtter tabystary, ozyq bilim berý jobalary týraly «Sát sapar, jas túlek!», «Ustazdarǵa myń alǵys!», «Mektep – bilim ordasy», «Kóńildi jazǵy demalys» degen taqyrypta beınesıýjetter jarııalandy.
Áleýmettik jeli arqyly taralǵanyndaı, oblystan alysta ornalasqan Jánibek aýdanynda sońǵy qońyraý erekshe uıymdastyryldy. Ádemi bezendirilgen avtokólikter ánmen birge qońyraý soǵa otyryp, aýyldar kóshelerimen júrip ótti. Óz úıleriniń janynda turǵan balalar olarǵa jalaýshalarymen qol bulǵady.
